top of page
DOJO TV
🍻The Beeger Games 2🍔（18+🈲）
萬聖節翌日應唔應該放假？
嘉賓：李子欣，李尚文，劉本晞，余維隆，郭翩翩，林俊謙
DojoTV又出外景，再次嚟到堅尼地城隱世嘅菠蘿包漢堡餐廳Beeger！
既然比賽日就係萬聖節之後嗰日，當日一班orange objects就同大家辯論一下，萬聖節第二日應唔應該放假？
DojoTV理應就係一個老少咸宜嘅節目，點知當日因為個別嘉賓興起嘅關係，今集嘅對白同觀點都比較兒童不宜🤦🏻♂️🤦🏻♂️🤦🏻♂️為咗將個節目維持返喺IIA級嘅水平，後製嘅Livia好好心機咁幫大家將啲對白消音，發現工作量大到異常嘅佢而家好憤怒。快啲叫多啲人睇平息吓佢嘅怒氣。
The Dojo Showcase——
辯論道場第三季頒獎禮及表演賽
關於道場，有些結我們一直未解。
例如頒獎，一直都做得不夠好。因為沒有決賽，之前頒獎禮都安插了在其中一個比賽日進行，辦得都很倉促。又因為沒有決賽，道場一直少了一些儀式感。我們可以有精彩的一年，有難忘的日子和片段，但就是沒有那特定的一天。
所以今年，我們決定舉辦《The Dojo Showcase》， 摒棄傳統形式，將第三季頒獎禮、表演賽、第四季開幕禮及簡介會，結合成一個屬於道場每個人的優秀辯員巡禮，為大家的光采留下更多印記。
🍺The Beeger Games🍔！
Dojotv首次外景製作，帶大家去辯員最愛嘅餐廳Beeger，食住菠蘿包漢堡辯論收兵有／無罪！
嘉賓：李尚文、余維隆、劉本晞、温嘉怡、許君熙、林俊謙
坐落喺堅尼地城嘅Beeger ，最出名嘅係佢hidden到唔hidden、獨一無二嘅菠蘿包漢堡，加上位置就近幾個熱門嘅比賽場地，一直都係好多辯論員嘅最愛！好榮幸得到Beeger之友李尚文嘅邀請，希望透過今次活動可以有更多人認識Beeger，歌頌Beeger讚美Beeger（如果順便有啲Beeger嘅fans會因為咁認識辯論、支持道場當然都非常好）！
2024 DSE打氣活動——放榜前夕表演賽 劉本晞温嘉怡郭翩翩曹瀚隊 對 主線聯隊
2024年DSE放榜前夕，第三屆全港中學學界辯論比賽嘅最佳陣容，聯同由一眾資深辯員同教練組成嘅主線聯隊，一齊上演咗一場可能係近年反應最熱烈、現場氣氛最好嘅辯論比賽，為一眾放榜考生打氣。 想重溫呢場全院滿座嘅賽事，睇吓雙方點樣就「狀元文化」呢個集體惡夢激辯，賽後仲要面對全場觀眾嘅瘋狂質詢，即刻去片！
Ep 2：成人辯論🔞，茶隊對酒隊，萬年題大挑戰！！
主持：JL
嘉賓：李尚文、李子欣，陳允，陳庭芳，曾思齊，張茵童
大家無估錯，絕對係標題黨絕對係嘩眾取寵。今集內容同大家心目中嘅「成人」應該好大出入。
不過！！有兩個位都真係幾成人嘅。
第一，今集所有嘉賓都係成人（嘩我覺得呢吓誠實到可以攞最符合商品說明條例獎）！！！
第二，因為係成人，我哋今集嘅進行方式同上次會有啲唔同，除咗食飯，我哋會提供唔同飲品，包括酒精類！分隊按嘉賓選擇飲茶定飲酒決定！
想知道平時睇開嘅幾位大佬，邊個飲茶都醉、邊個行唔到直線但仲打到de、邊個連自己飲茶定飲酒都唔知，記得留意今集dojotv！
EP 1：
一餐飯時間，famj辯論famj文化！！
主持：JL
嘉賓：曹瀚、郭翩翩、鄭詩穎、陳秀淇、伍紋况、鍾雪嵐
作為開台嘅「系列」，我哋嘅第一個嘗試，係揾一班辯員返嚟食住飯打場de。既然揾得一班famj（？），今日我哋傾嘅就係famj。顔值、身高、體重、智商，契哥契姐契_契妹，你想有嘅，呢度全部都有擔當！
bottom of page